ANODIZE / LMF

ANODIZE (亞龍大) 係一隊同BEYOUND同一時期的搖滾樂隊，已經散左N年，有幾個之後就一直繼續夾，組成後來人多多的LMF (大懶堂)。上圖比較熟悉的，有係LMF唱歌的阿華同打鼓彈結他的大飛，最左手邊果個應該係黃貫其掛。其實之前已經有好多人可憐LMF係一個樂壇悲劇，佢地走出黎為興趣夾下BAND，因為個兩句粗口俾香港市民話教壞細路，到底有冇人聽佢地心裡面個句? 如果你想聽下，去utube打「大你」有足本電影播放。

講真，ANODIZE的歌一啲都唔差。依家的Mr.，dear jane等，我唔係話唔好聽，只不過ANODIZE的歌比他們的耐聽，依家的歌好多都係曇花一現，過下時間呢條冷河，一沖，乜都冇晒。創作出好歌的音樂人會俾心機了解個社會，關心身邊的人事物，佢地的作品係佢地的心聲同理想，而社會的轉變同人生所面對都不過係一個個重複，因此耐聽的歌係多數人的心聲。當然，歌耐聽還有很多因素。以Mr.的派台歌「黑色狂迷」為例，這首歌旋律動聽，但轉眼即逝不到三個星期我就忘了，因為隊樂隊選擇左俾呢個命運首歌。你可能會覺得我吹毛求疪，但我覺得呢個世界冇歌會唔好聽、冇野會唔好食，只會有歌唔啱你聽、或者啲野食唔啱你胃口。所以如果篇野唔啱你胃口，咁咪唔好睇囉，it's simple and easy.

講開又講，近排三色台星期二晚上七點播果個節目，講有錢人對冇錢人的了解程度。for god sake，簡直令人咋舌，想睇可以上 「my twii」重温。唔到你唔信，香港得個豆「潤」咁細，人與人之間的了解程度的負數，著實令人汗顏。不過問心個句，when do you speak sincerely? 個個都收埋啲野响個心度，呢啲咪香港人自以為好醒但其實好囧的行為囉。

若果你有睇埋個節目下半部份，你會睇到，其實有錢人唔係冇心幫窮困人士，佢地有心了解小市民，如果唔係都唔會參加個節目。我記得到其中一個參加者眼濕濕。你可能會話佢地可能做緊戲都未定，但我覺得可能呢個節目可以改變到佢地的想法都未定呢。

係餐廳食飯，一遇到呢類節目，就有人媽媽叉叉，話咩有錢人邊知民間苦疾云云。但我覺得有呢類節目總比沒有好。係有好多有錢佬係衰人，不過可能有啲真係賺到錢想做些少貢獻呢。還是，香港的言論自由無論在哪裡，也正在收窄?