《不喜勿插---四代香港人解毒》

作者古永信，生活書房於2010年出版，我卻在2011年才「看」到的書。近年我已經沒什麼心思去看小說，即使是看，也限於短篇。前年還有精神看董啟章的栩栩如真，像磚般厚的。但老實說，之後那本貝貝重生我在書展狠下心腸真金白銀買了，回到家裡卻一頁也沒掀過，真浪費，或許等到暑假再看吧。

Anyway，我今日想講的並不是我的讀書心路歷程，而是標題上的書---《不喜勿插-四代香港人解毒》。可能有人會話，嘩，你讀完通識真係成個人都「關心社會」咗喎。我想講，我不嬲都咁關心社會，係你唔知姐。好啦，我地入正題。如推薦此書的教授沈旭輝所說，這本書的作者古永信的文筆並不特別好，但這本書傳遞了一個清楚明確的信息: 上一代的理念，無論是對待工作的態度、生活方式什至人生看法經已改變，五六十後的觀點跟七八十後的大挺相徑。

從書中舉個例子，八十後為了令人o mouth的樓價走上街示威、一對年輕的醫生律師夫婦去信特首話樓價太貴; 但五六十後卻邊供樓供到死邊指摘八十後唔捱得、我地以前個市咪仲爛云云。五六十後的口頭襌係: 我地以前都係咁捱啦。For god sake，你地要捱自己捱飽佢，唔好迫我。這本書的信息就是這樣。

我好撐這本書。有留意新聞的都知香港樓價俾地產商同炒家炒到全世界最貴，證明八十後企出黎示威唔係為買唔到樓而「發窮惡」。唔通你日日俾人搶錢你報警差人叫你忍下啦黑社會係咁你會走去忍? 而家個差人仲走出黎話八十後只懂「閉門造車」，玩大咗分分鐘會「車毀人亡」。真係笑話，阿伯，你又話D後生點唔得點唔得，既然如此你又使乜面青青心驚驚? 做左幾廿年人連班廿到「閔」都驚，乜五十後唔係好捱得好有「獅子山下精神」嫁咩? 我係你就即刻番屋企同煲呔曾一齊玩下「閉門造車」拆掂佢啦。

講起地產商，而家走出街，你去到邊都走唔出李嘉誠手指罅。百佳、7仔、港燈、生活易、和記電訊、酒店......See，一個和記黃埔有限公司的商務範圍大到你唔信。仲有，香港不只得一個李嘉誠，除咗佢個仔有電盈，香港仲有李兆基個恆基兆業、郭氏兄弟、華懋、何鴻燊、鄭裕彤、劉鑾雄，計埋一眾隱形富豪，有錢佬真係多到數都數唔晒，小市民如我地就一代比一代閉翳。

《不喜勿插---四代香港人解毒》這本書不但解構八十後與五六十後的分別，也有「雞型社會」解說consumer同attendent的一線之差。於我來說，這本書絕對值得花上時間慢慢品嘗。