考試其實係假期

於我而言, 考試真係好得閒, 除左每晚差唔多七點開始温陣書之外，frankly speaking我日日番到屋企都係度上網。簡直唔知自己想點仲話要入大學囉唔該。


番噃去正題，我想講係今日考個份英文卷。而家334主打通識，連英文試卷都用social issues做passage booklet， 真心個句， 政府呢招行得通。 你唔關心social issues? 咁我咪「幫」你提起興趣囉。 呢D野你唔肯陏， 自然有人踢你。


話說有好多人話而家香港書展唔知似乜， 又書又「o靚」模又漫畫又精品又地攤， 總之眼花潦亂然後花多眼亂上多層仲有文具精品報章雜誌訂購多到數唔晒。呢個世界有人投訴自然有人做野，搵錢至上吖嘛。而家有一班book fair organizers話要仿效日本搞個international book fair喎，不過你唔會天真到諗住入面會好似日本咁seek for educational partnership推銷教育學習用品咁變態呀，只不過係換下個名，俾多D選擇你，一齊分享下銀包冇晒錢ge樂趣姐。


其實係香港呢個culture desert，有書展你行都偷笑啦。周秀娜阻住你睇書？隻眼開隻眼閉當佢透明咪得囉，你老細鬧你都係擰歪面當耳邊風姐。不過凡事我地都應該盡力d爭取ge，正所謂人望高處，連你自己都唔救自已唔通叫個蛋散政府幫你改善香港人個讀書風氣咩。