考試其實係假期 ( 二 )

今天考的是中文卷五, 綜合卷是也。實際上我不討厭做這類試卷，這些比較易處理，答案沒閱讀理解那麼虛無飄渺。of course，這純粹是個人看法。

okay，今日咁好興緻上黎寫blog當然係要發表下我ge謬論啦。我今日應考的卷五，係講香港中學生的「正音」問題。事實上，我睇書十個字有三個唔識讀，唔好話「正音」吖，我連個字的「懶音」(近音)都讀唔到呀，仲「正音」。

香港從前係英國殖民地就係人都知，英語作為世界性的溝通語言亦是眾所認同。香港人的崇洋心態亦十分普遍。for example，你幾時聽過香港闊太送個仔番大陸同同胞一齊讀書? 唔好玩啦，個班教育局高官係董伯伯搞左個母語教學政策之後咪將仔女送晒去英國讀書囉。

so，係香港，「正音」遭學生嗤之以鼻，佢地(包括我)情願學phonics都唔會去學正音，點解? 唔通我未來老細會因為我讀啱一個勁難讀的中文字例如「彇」而加我印象分? the answer is no. 而且，中文字的「正音」係要「沉」番黎，絕對冇可能係短時間識讀晒全部字，唔似英文發音，學兩下散手就可以同人揪過。因此，大大降低左學生對「正音」的重視同興趣。

okay，你可能會問，如果社會唔重視中國文化發展的話就唔會同你up咩正音啦。呢度就係問題重心嘞。其實香港在公開考試一直有口試考你中文「正音」，佔的比重少但一直存在。但唔好話學生，學校對「正音」亦一向不重視，至少我番左咁耐學隨左中文老師係公開考試迫近係咁已講過下之外，基本上冇乜機會接觸。係我的角度，我讀得正唔正有乜所謂? 你明我意思咪得囉，語言係用黎溝通姐，而家又唔係朗讀。

但今年係2011，數下手指，仲有三十六年香港就回歸袓國。你唔覺近期個清明上河圖動畫hit到爆咩? 文化館個羅浮宮仿雕塑展香港有幾多人知? 就好似骨牌效應咁，久違的中國文化燃起左香港人虛偽的熱情，嘿，俾三色台捉到你班人痛腳，整個正音唔知咩，懶有文化氣息咁。

中學生，隨左清明上河圖動態版之外，讀通識ge你知唔知六四係咩黎? 五四運動係幾時發生? 文革死左幾多人? 同學，依我的愚見，隨左你ge「正音(phonics)」，擺d時間睇下政治，睇下歷史，然後放長雙眼睇下回歸袓國之後香港變成咩樣仲好啦。